تہران:پاک ایران سرحد کے قریب 8 پاکستانیوں کو قتل کردیا گیا، جاں بحق افراد کا تعلق بہاولپور سے ہے، سیستان میں پاکستان مخالف تنظیم نے نشانہ بنایا۔ سیکورٹی فورسز نے لاشیں جائے وقوعہ سے برآمد کر لیں۔ ایرانی حکام نے تفتیش کا آغاز کر دیا ہے۔
حملہ آوروں نے ورکشاپ میں داخل ہوکر واردات کی۔ذرائع کے مطابق واقعہ مہرستان شہر سے تقریباً 5 کلومیٹر دوراور پاکستانی سرحد سے 100 کلومیٹر دور ہیزآباد میں پیش آیا۔ذرائع نے بتایا کہ حملہ آوروں کی شناخت تاحال نہ ہو سکی۔
ایرانی حکام نے تفتیش کا آغاز کر دیا ہے۔ حملہ آوروں نے ورکشاپ میں داخل ہوکر واردات کی۔ذرائع کا کہنا ہے کہ پاکستانی سفارتخانے کے افسران جائے وقوعہ روانہ ہو چکے ہیں۔ لاشوں کی تصدیق اور شناخت کا عمل جاری ہے۔
ابتدائی اطلاعات کے مطابق یہ پاکستانی موٹر میکینکس تھے۔ تمام افراد آٹوریپئرشاپ پر کام کرتے تھے۔ تمام افراد کو ہاتھ، پیر باندھ کر قتل کیا گیا۔ذرائع کے مطابق جاں بحق افراد میں دکان کا مالک دلشاد اور بیٹا نعیم شامل ہیں۔
جعفر، دانش اور نثار بھی قتل کیے گئے افراد میں شامل ہیں۔ذرائع کا کہنا ہے کہ قانونی کارروائی کے بعد لاشیں پاکستان بھجوانے کے اقدامات کیے جائیں گے۔
