پنے صارفین کو ہر گزرتے وقت کے ساتھ اپ ڈیٹ رکھنے والی میسجنگ ایپ واٹس ایپ نے اب ایک اور فیچر متعارف کروادیا۔
حال ہی میں اپنی پسندیدہ چیٹ کو فنگر پرنٹ سے چھپانے جیسا فیچر متعارف کروانے والی واٹس ایپ کی میٹا کمپنی اب اپنے صارفین کےلیے کچھ نیا لے کر آئی ہے۔
واٹس ایپ میسجز ڈیلیٹ ہوگئے؟ پریشان نہ ہوں اب انہیں دوبارہ حاصل کرنا ممکن ہے
میٹا نے ونڈوز پر واٹس ایپ استعمال کرنے والے صارفین کے لیے اب اسکرین کا تبادلہ کرنے کا فیچر بھی متعارف کروادیا ہے۔
غیر ملکی میڈیا کی رپورٹ کے مطابق یہ فیچر اس وقت واٹس ایپ کے بیٹا ورژن پر موجود ہے جسے مائیکروسافٹ کے اسٹور سے ونڈوز پر ڈاؤن لوڈ کیا جاسکتا ہے۔
بتایا گیا ہے کہ اس فیچر کی مدد سے ونڈوز واٹس ایپ صارف خود سے ویڈیو کال کے ذریعے جڑنے والے صارفین سے اپنی منتخب کردہ ونڈوز شیئر کرسکیں گے۔
واٹس ایپ پر خود کو میسج کرنا ممکن ہو گیا
مذکورہ آپشن کی واٹس ایپ میں شمولیت اس بات کو ظاہر کرتی ہے کہ واٹس ایپ اب ویڈیو کانفرنسز کےلیے استعمال ہونے والی ایپس کے بھی مدِ مقابل آنا چاہتا ہے۔
ونڈوز پر واٹس ایپ بیٹا کی اس اپ ڈیٹ کو ورژن 2.2322.1.0 کا نام دیا گیا ہے۔
خیال رہے کہ مذکورہ فیچر اسی وقت عمل میں آئے گا جب دونوں جانب واٹس ایپ کی ورژن اپ ڈیٹ انسٹال ہوگی۔
