راولپنڈی:خیبرپختونخوا کے ضلع کرم میں سکیورٹی فورسز کی کارروائی میں7خوارج مارے گئے جبکہ کیپٹن سمیت6جوانوں نے جام شہادت نوش کیا۔
پاک فوج کے شعبہ تعلقات عامہ (آئی ایس پی آر) کے مطابق سیکورٹی فورسز نے کرم کے علاقے دوگر میں بھارتی پراکسی فتنہ خوارج کے خلاف خفیہ اطلاع کی بنیاد پر آپریشن کیا ۔آئی ایس پی آر نے بتایاکہ سیکورٹی فورسزکی بروقت اور موثر کاروائی کے نتیجے میں7خوارج مارے گئے۔
آئی ایس پی آر کا کہنا ہے کہ شدید فائرنگ کے تبادلے میں کیپٹن نعمان سلیم سمیت6بہادرجوانوں نے جامِ شہادت نوش کیا،شہدا میںحوالدارامجد علی،نائیک وقاص احمد،سپاہی اعجازعلی،سپاہی محمد ولید اور سپاہی محمد شہباز شامل ہیں۔
کیپٹن نعمان سلیم ایک بہادر اور نوجوان میڈیکل آفیسر تھے، کیپٹن نعمان محاذ پرمیڈیکل خدمات انجام دینے کے ساتھ دلیرانہ اندازمیں لڑے اور جامِ شہادت نوش کیا۔
