اسلام آباد:ملک میں ہفتہ وار مہنگائی کی شرح میں 0.15 فیصد اضافہ ہوا ہے جس کے بعد مہنگائی کی مجموعی سالانہ شرح منفی 2.41 فیصد ہوگئی۔مہنگائی سے متعلق ہفتہ وار رپورٹ جاری کردی گئی جس میں بتایا گیا ہے کہ حالیہ ہفتے 12 اشیاء مہنگی اور11 اشیاء سستی ہوئیں، ایک ہفتے میں 28 اشیائے ضروریہ کی قیمتیں مستحکم رہیں۔
رپورٹ میں بتایا گیا ہے کہ ایک ہفتے کے دوران انڈے 5.55، چکن 1.84 اور ایل پی جی 1.03فیصد مہنگی ہوئی،حالیہ ہفتے گڑ 0.59 اور چینی 0.26 فیصد مہنگی ہوئی، ایک ہفتے میں پیاز 5.59، ٹماٹر4.56 اور لہسن 1.78 فیصد سستے ہوئے۔
دوسری جانب اپریل میں مہنگائی کی رفتار مزید گھٹ گئی۔ادارہ شماریات نے مہنگائی کا ڈیٹا جاری کردیا ہے جس کے مطابق اپریل میں مہنگائی کی شرح تاریخ کی کم ترین سطح 0.30 فیصد رہ گئی۔مارچ میں مہنگائی کی شرح 0.70 فیصد تھی۔
رواں مالی سال کے 10 ماہ میں مہنگائی کی اوسط شرح 4.73 تک گِر گئی جب کہ گزشتہ مالی سال 10 ماہ میں مہنگائی کی اوسط شرح 25.97 فیصد تھی۔ایک سال میں مہنگائی کی اوسط شرح میں 21.24 فیصد کی کمی ہوچکی ہے۔
ماہرین کا کہنا ہے کہ حکومتی اقدامات ،اجناس کی قیمتوں میں کمی مہنگائی کی رفتار میں کمی وجہ بنی، مہنگائی کی شرح کم ہونے سے مانیٹری پالیسی میں شرح سود میں ریلیف ملنے کی امید بڑھ گئی ہے۔
