پی ٹی اے نے کہا ہے کہ غیر قانونی آن لائن مواد شیئر کرنے سے خبردار رہیں، ڈیجیٹل پلیٹ فارمز پر اظہارِ رائے کی آزادی ہر فرد کا حق ہے لیکن اس آزادی کے نام پر غیر قانونی مواد کی تشہیر یا سرگرمیاں ہرگز قابلِ قبول نہیں۔
اتھارٹی نے کہا کہ ڈیجیٹل پلیٹ فارمز اور سوشل میڈیا سائٹس پر مذاہب، رسالت یا مقدس شخصیات کی توہین، کسی بھی فرد یا ادارے کے خلاف اشتعال انگیز مواد، دفاع اور دیگر قومی اداروں کے خلاف نفرت انگیز اور جھوٹا پروپیگنڈا، فحش، غیر اخلاقی مواد اور جعلی خبروں کی تشہیر پیکا ایکٹ 2016 ء کے تحت غیر قانونی اور قابلِ گرفت جرم ہیں۔
پی ٹی اے نے عوام الناس سے اپیل کی کہ عوامی مفاد اور ملک میں امن و امان قائم رکھنے کے لیے ایسے مواد کی اطلاع PTA CMS موبائل ایپ کے ذریعے دیں، خبردار رہیں محفوظ رہیں۔
