ادارہ شماریات نے گزشتہ ماہ مہنگی ہونے والی اشیا سے متعلق رپورٹ جاری کر دی۔رپورٹ میں بتایا گیا کہ جولائی میں بجلی کی قیمتوں میں 14.18 فیصد جبکہ گیس کی قیمتوں میں 22.91 فیصد کا اضافہ ریکارڈ ہوا۔
گزشتہ ماہ چینی کی قیمت میں 6.11 فیصد تک اضافہ ہوا جس کی وجہ سے ایک ماہ میں مٹھائیاں 7.96 فیصد مہنگی ہوگئیں۔ایک ماہ میں ہر قسم کی ٹرانسپورٹ 3.75 فیصد تک مہنگی ہوگئی اور ہاؤس رینٹ میں 1.45 فیصد اضافہ ہوا۔
ایک ماہ میں ادویات کی قیمتوں میں 0.16 فیصد تک اضافہ ریکارڈ ہوا، کلینکس کی فیس، ڈینٹل سہولتیں اور میڈیکل ٹیسٹ بھی مزید مہنگے ہوگئے۔جولائی میں پلاسٹک کی مصنوعات 3.74 فیصد مہنگی ہوگئیں۔
