کراچی کے مختلف پولنگ اسٹیشنز پر 4 گھنٹے بعد بھی انتخابی سامان نہیں پہنچ سکا، مختلف پولنگ اسٹیشن پر انتخابی عملہ اورسامان نہ ہونے سےپولنگ کا عمل متاثر ہو رہا ہے۔
کراچی کے علاقے نارتھ کراچی سیکٹر 9 میں خواجہ اجمیر نگری تھانے کی پولیس موبائل میں پولنگ کا سامان لے کر گھومتی رہی۔
خواجہ اجمیر نگری تھانے کی موبائل پولنگ کا سامنا لے کر لوگوں سے پتہ پوچھ رہی ہے۔
پیپری میں ایک پولنگ اسٹیشن کا سامان دوسرے پولنگ اسٹیشن پر پہنچادیا گیا، پیپری پولنگ اسٹیشن پر پہنچنے والے بیلٹ پیپرز پر امیدوار کا نام ہی نہیں تھا۔
تحریک لبیک کے امیدوار کے احتجاج پر پولنگ کا عمل روکنا پڑا، دوسرے پولنگ اسٹیشن سے متعلقہ بیلٹ پیپرز آنے کے بعد پولنگ شروع ہوئی۔
عملے کی تربیت نہ ہونے سے بیلٹ پیپرز پر غلط مہر لگانے سے بیلٹ پیپر ضائع بھی ہوئے۔
