القرآن

القرآن

بخل کی سزا

جو لوگ اِس چیز پر بخل کرتے ہیں جو اللہ تعالیٰ نے محض اپنے فضل سے انھیں دی ہے وہ یہ خیال نہ کریں کہ یہ بخل ان کے لیے بہتر ہے، جس مال کے بارے میں وہ بخل کرتے تھے، قیامت کے دن وہی مال طوق بنا کر اُن کے گلے میں ڈالا جائے گا، اور اللہ ہی آسمانوں اور زمین کا وارث ہے اور جو کچھ تم کرتے ہو اللہ اسے جانتا ہے۔
{سورۂ آلِ عمران:آیت۱۸۰}

الحدیث

سب سے بڑا بخیل

حضرت ا بو ذر رضی اللہ تعالیٰ عنہ سے روایت ہے کہ میں ایک دن رسول اللہ صلی اللہ علیہ وآلہ وسلم کی خدمت میں حاضر ہوا تو آپ صلی اللہ علیہ وآلہ وسلم نے فرمایا:’’کیا میں تمھیں اس شخص کے بارے میں نہ بتائوں جو انسانوں میں سب سے بڑا بخیل ہے؟‘‘
عرض کیا: ’’یارسول اللہ! ضرور بتائیں۔‘‘
آپ صلی اللہ علیہ وآلہ وسلم نے فرمایا:’’جس کے سامنے میرا تذکرہ ہو اور میرے اوپر دورود نہ پڑھے، وہ سب سے بڑا بخیل ہے۔‘‘ {القول البدیع}