کوئٹہ: بلوچستان کے صوبائی وزیر عبدالرحمٰن کھیتران کے کوئٹہ میں موجود گھر پر پولیس کی بھاری نفری پہنچ گئی۔
چھاپے کے دوران پولیس نے پٹیل باغ میں عبدالرحمٰن کھیتران کے گھر کو جانے والے تمام راستوں کو سیل کردیا ہے۔
پولیس ترجمان کا کہنا ہے کہ وزیر مواصلات و تعمیرات سردارعبدالرحمان کھیتران کے گھر پر تلاشی کا عمل جاری ہے اور پولیس کے ہمراہ خواتین اہلکار بھی موجود ہیں۔
پولیس ترجمان کا کہنا ہے کہ صوبائی وزیر کے گھر پر خان محمد مری کے 5 بچوں کی بازیابی کیلئے چھاپہ مارا گیا، عبدالرحمان کھیتران کے مہمان خانے اور رہائش گاہ سمیت گھر کے دیگر حصوں کی تلاشی جاری ہے۔
