وفاقی حکومت نے پاکستان تحریک انصاف کے بانی عمران خان سمیت پارٹی کے اہم رہنماؤں کے بیرون ملک جانے پر پابندی عائد کردی ہے۔ذرائع کے مطابق 9 مئی کے فسادات کے تناظر میں حکومت نے بانی پی ٹی آئی سمیت جماعت کے اہم رہنماؤں کے نام ایگزٹ کنٹرول لسٹ (ای سی ایل) میں ڈالنے کی منظوری دے دی ہے۔
ذرائع کا کہنا ہے کہ جن رہنماؤں کے نام ای سی ایل میں شامل کیے گئے ہیں، ان میں بانی پی ٹی آئی کے علاوہ شاہ محمود قریشی، عمر ایوب، فواد چوہدری اور شبلی فراز بھی شامل ہیں۔ذرائع کے مطابق علی امین گنڈا پور، شہریار آفریدی اور عثمان ڈار کے نام بھی فہرست میں شامل کیے گئے ہیں ۔ذرائع کا بتانا ہے کہ شیخ رشید، شیخ راشد شفیق، طاہر صادق، راجہ بشارت، وارث قیوم ،شیریں مزاری، زرتاج گل، مسرت چیمہ اور کنول شوزب کے نام بھی ای سی ایل میں ڈالنے کی منظوری دے دی گئی ہے۔
محکمہ داخلہ پنجاب نے فہرست سمیت وفاقی حکومت کو سفارشات بھجوائیں اور 9 مئی کے فسادات کے تناظر میں نام ای سی ایل میں ڈالنے کافیصلہ کیا۔خیال رہے کہ ای سی ایل کمیٹی نے سفارشات وفاقی حکومت کو منظوری کیلئے بھجوائی تھیں۔
