سرکاری حج اسکیم کے تحت درخواستوں کی وصولی جاری ہے اورآن لائن پورٹل اور نامزد بینکوں کے ذریعے اب تک 91 ہزار 300 درخواستیں جمع ہوچکی ہیں۔وزارتِ مذہبی امور کے مطابق بقیہ 26 ہزار 910 نشستوں کے لیے درخواستیں 16 اگست تک وصول کی جائیں گی ۔
تاہم دستیاب سیٹیں مکمل ہوتے ہی درخواستوں کی وصولی روک دی جائے گی۔سرکاری اسکیم میں چالیس روزہ لانگ حج اور پچیس روزہ شارٹ حج پیکیج کی سہولت موجود ہے۔
درخواست کے ساتھ پیکیج کے مطابق 5 لاکھ یا ساڑھے 5 لاکھ روپے کی پہلی قسط جمع کرانا لازمی ہے جبکہ دوسری قسط یکم نومبر سے وصول کی جائے گی۔بیرونِ ملک مقیم پاکستانی پاسپورٹ ہولڈرز بھی درخواست جمع کرانے کے اہل ہیں۔
