مری:مسلم لیگ ن کے بڑوں کی مری میں اہم بیٹھک، مشاورتی اجلاس میں صدر مسلم لیگ ن نواز شریف،وزیراعظم شہبازشریف،وزیراعلیٰ پنجاب مریم نواز کے علاوہ خاندان کے دیگر افراد بھی شریک ہوئے۔ مسلم لیگی قیادت نے ملک کی مجموعی سیاسی و حالیہ سیلابی صورتحال کا جائزہ لیا۔
ذرائع کے مطابق نواز شریف نے وزیراعظم اور وزیراعلیٰ پنجاب کی کارکردگی کو سراہا اور ہدایت کی کہ عوام کے جان و مال کے تحفظ کے لیے مزید اقدامات کیے جائیں۔انہوں نے بجلی بلوں اور پیٹرولیم مصنوعات میں عوام کو ریلیف دینے پر بھی زور دیا۔
اجلاس کے دوران وزیراعلیٰ پنجاب مریم نواز نے بارشوں کے بعد کی صورتحال سے متعلق آگاہ کیا جبکہ ٹیلیفونک رابطے میں اپنے ہنگامی دوروں کے بارے میں بھی تفصیلات فراہم کیں۔
