نائب وزیراعظم و وزیر خارجہ اسحاق ڈار آج چین جائیں گے۔
وہ تیانجن (چین) میں 14 سے 16 جولائی تک ہونے والے شنگھائی تعاون تنظیم (ایس سی او) کی وزرائے خارجہ کونسل کے اجلاس میں شریک ہوں گے۔
اجلاس میں چین، بیلاروس، بھارت، ایران، قازقستان، کرغزستان، روس، تاجکستان، ازبکستان کے وزرائے خارجہ بھی شریک ہوں گے۔
وزیراعظم شہباز شریف آئندہ ماہ اگست میں اعلیٰ سطح کے وفد کے ساتھ چین کا دورہ کریں گے۔
توقع ہے کہ فیلڈ مارشل سید عاصم منیر بھی ان کے ہمراہ ہوں گے۔
اراکین کی معطلی، حکومت اپوزیشن مذاکرات کا دوسرا دور بے نتیجہ ختم
دورے کی حتمی تاریخ ابھی طے کی جا رہی ہے۔
پاک، بھارت جنگ کے بعد کی صورتحال میں یہ دورہ انتہائی اہمیت کا حامل ہے۔
شنگھائی تعاون تنظیم کا سربراہ اجلاس 31 اگست سے یکم ستمبر تک تیانجن میں ہوگا۔
