کراچی:اسٹیٹ بینک نے ورکرز ترسیلات کے حوالے سے تفصیلات جاری کردیں۔مرکزی بینک کے مطابق مالی سال 25ـ2024ء میں ملکی تاریخ میں سب سے زیادہ ترسیلات زر موصول ہوئیں۔
اسٹیٹ بینک کے مطابق جون 2025ء میں ورکرز ترسیلات 3.4 ارب ڈالر رہیں جو جون 2024ء کے مقابلے میں 7.9 فیصد زیادہ ہیں۔اسٹیٹ بینک نے بتایا کہ مالی سال 2025ء میں ترسیلات زر 38.3 ارب ڈالر رہیں اور مالی سال 2024ء میں ترسیلات زر 30.3 ارب ڈالر تھیں جو پچھلے مالی سال کے مقابلے میں 26.6 فیصد زیادہ ہیں۔
اسٹیٹ بینک کے مطابق جون 2025ء میں کارکنوں کی ترسیلات زر زیادہ تر سعودی عرب سے موصول ہوئیں جو 823.2 ملین ڈالر رہیں۔
اس کے علاوہ جون 2025ء میں متحدہ عرب امارات سے 717.2 ملین ڈالر ترسیلات زر موصول ہوئے، جون 2025ء میں برطانیہ سے 537.6 ملین ڈالر اوراسی ماہ امریکا سے 281.2 ملین ڈالر ترسیلات زر موصول ہوئیں۔
