لاہور:وزیر ریلوے حنیف عباسی نے لاہور ریلوے سٹیشن کا اچانک دورہ کیا اورصفائی ستھرائی کے ناقص انتظامات پر اظہار برہمی کرتے ہوئے ڈویژنل میڈیکل افسر صائمہ ممتاز کو معطل کر دیا۔
وفاقی وزیر نے سٹیشن پر ملازمین کی غیر حاضری کا بھی نوٹس لیا اور سٹیشن ماسٹر لاہور کی سرزنش کی ۔ وزیر ریلوے حنیف عباسی کی جانب سے پنجاب فوڈ اتھارٹی کو چھاپے مارنے کی بھی اجازت دی ، اب فوڈ اتھارٹی ریلوے سٹیشنوں پر بغیر اجازت کھانے کا معیار چیک کر سکیں گی۔
حنیف عباسی سٹیشن سے پیدل واشنگ لائن پہنچے اور ملازمین کی کم تعداد کا نوٹس لیتے ہوئے ریلوے کے گھروں سے تمام ملازمین فوری واپس بلانے کی ہدایت کی ۔ حنیف عباسی نے کہا کہ ریلوے میں من پسند بھرتیوں کی وجہ سے آج اس حالت کو پہنچے ہیں،نرم مزاجی دکھا لی، اب سختی کی جائے گی۔
وزیر ریلوے حنیف عباسی نے کہا کہ بد عنوانی کے کیس ایف آئی اے کو بھجوائے جائیں گے۔
