اسلام آباد:وزیر دفاع خواجہ آصف کی زیر صدارت اجلاس میں پاک بھارت کشیدگی کے تناظر میں ملکی صورتحال پر مشاورت کی گئی۔پارلیمنٹ ہاؤس اسلام آباد میں ہونے والے مشاورتی اجلاس میں وزیر قانون اعظم نذیر تارڑ، وزیر پارلیمانی امور طارق فضل چودھری اور وزیر مملکت بیرسٹر عقیل شریک ہوئے۔
اجلاس میں پاک بھارت کشیدگی کے تناظر میں ملکی صورتحال اور حکومتی موقف پر مشاورت کی گئی۔ذرائع کے مطابق قومی سلامتی سے متعلق امور پر قومی اتفاق رائے پیدا کرنے اور اپوزیشن سے بات چیت پر بھی مشاورت کی گئی اور پارلیمنٹ کا اجلاس بلانے پر بھی غور کیا گیا۔
ذرائع کے مطابق قومی اسمبلی کا اجلاس 5 مئی کو طلب کرنے کا فیصلہ کیا گیا ہے۔ ذرائع کے مطابق اجلاس میں قانون سازی سمیت دیگر نکات پر مشاورت کی گئی، قومی اسمبلی میں بھارت کے خلاف مذمتی قرار داد لانے اور اس کے مسودہ پر بھی مشاورت کی گئی۔
