اسلام آباد:فلسطین کے نہتے مسلمانوں پر ظلم و ستم ڈھانے کے بعد اسرائیل کا مودی سرکار کے ساتھ مذموم گٹھ جوڑ منظر عام پر آ گیا۔
ذرائع کے مطابق پہلگام حملے کے پس پردہ ایجنڈہ واضح طور پر بھارتی جنگی جنون کو مزید بڑھانا تھا، مصدقہ اطلاعات کے مطابق 15 سے 20 اسرائیلی اہلکار سری نگر پہنچ گئے ہیں۔ذرائع نے بتایا کہ اسرائیلی اہلکار تکنیکی سازوسامان سے لیس ہیں اور ان کی سری نگر آمد انتہائی تشویشناک ہے۔
اسرائیلی اہلکاروں کی مقبوضہ کشمیر آمد کا مقصد پاکستان کے خلاف مذموم مہم جوئی کی سہولت کاری ہے۔مقبوضہ جموں و کشمیر میں مودی سرکار پہلے ہی اسرائیلی طرز کی پا لیسی اختیار کرتے ہوئے کشمیریوں کا قتل عام کررہی ہے ، اسرائیل اور مودی کا گٹھ جوڑ عالمی سلامتی کے لئے بہت بڑا خطرہ بن چکا ہے۔
