لاہور:لاہور کے سرکاری ہسپتالوں میں طبی عملے نے ہڑتال کر دی، ڈاکٹرز نے کمروں کو تالے لگا دیے، نرسز اور پیرامیڈیکس سٹاف نے آئو ٹ ڈور اور پرچی کائونٹرز بند کر دیے جس کی وجہ سے مریضوں کو شدید مشکلات کا سامنا کرنا پڑا۔
لاہور میں گزشتہ روز گرینڈ ہیلتھ الائنس اور پولیس میں ہونے والی جھڑپ کے واقعہ کے بعد سرکاری ہسپتالوں کے آؤٹ ڈور وارڈز میں طبی عملے نے ہڑتال کر دی، ڈاکٹرز نے کمروں کو تالے لگا دیے، نرسز اور پیرامیڈیکس سٹاف نے پرچی کاؤنٹرز بند کرادیے، او پی ڈیز بھی بند کر دیں۔
ہڑتال کے باعث سروسز ہسپتال، جناح ہسپتال کے آؤٹ ڈور وارڈز بند کر دیے گئے، گنگارام ہسپتال، پنجاب انسٹی ٹیوٹ آف کارڈیالوجی کی او پی ڈی بھی بند کر دی گئی، چلڈرن ہسپتال، جنرل ہسپتال سمیت مختلف سرکاری ہسپتالوں میں عملے نے کام بند دیا۔سرکاری ہسپتالوں میں او پی ڈیز بند ہونے سے علاج کیلئے آنے والے مریضوں کو شدید مشکلات کا سامنا کرنا پڑ ا جبکہ وارڈز میں داخل مریضوں کا علاج بھی متاثر ہوا ہے۔
