لزبن:وزیر خزانہ محمد اورنگزیب نے پاکستان اور برطانیہ کے درمیان مزید مضبوط تعلقات کے لیے کام کرنے کی خواہش کا اظہار کیا ہے۔
ریڈیو پاکستان کی رپورٹ کے مطابق وزیر خزانہ نے پرتگال میں برطانوی پارلیمانی انڈر سیکریٹری آف اسٹیٹ برائے مشرق وسطیٰ، پاکستان اور افغانستان ہمیش فالکنر سے ملاقات کی۔ فریقین نے پاکستان میں توانائی، معدنیات اور بنیادی ڈھانچے کے شعبوں میں سرمایہ کاری کے مواقع سمیت باہمی دلچسپی کے امور پر تبادلہ خیال کیا۔
ملاقات کے دوران محمد اورنگزیب نے کہا کہ پاکستان اور برطانیہ کے درمیان قریبی اور خوشگوار تعلقات ہیں جو باہمی اعتماد اور روابط پر مبنی ہیں۔ ملاقات میں دوطرفہ تعلقات کو فروغ دینے میں پاکستانی تارکین وطن کے ذریعے عوامی رابطوں کے کردار کو بھی سراہا گیا۔
برطانیہ رواں مالی سال کے پہلے 5ماہ کے دوران پاکستانی مصنوعات کی برآمد کا سرفہرست مقام رہا ہے، اسٹیٹ بینک آف پاکستان کے اعداد و شمار کے مطابق پاکستان نے 93کروڑ 50لاکھ 18ہزار ڈالر مالیت کی مصنوعات برآمد کیں۔ 2024ء میں پاکستان برطانیہ کا 51واں سب سے بڑا تجارتی شراکت دار تھا۔
برطانیہ چین اور امریکا کے بعد پاکستان کا تیسرا سب سے بڑا تجارتی شراکت دار اور ترسیلات زر کا تیسرا سب سے بڑا ذریعہ ہے جو سعودی عرب اور متحدہ عرب امارات کے بعد ہے۔
گزشتہ مالی برطانیہ سے سال ترسیلات زر بھی 10.7فیصد اضافے کے ساتھ 30ارب 30کروڑ ڈالر تک پہنچ گئیں جن میں سے 4ارب 50کروڑ ڈالر برطانیہ سے آئے جو سعودی عرب کے بعد دوسرے نمبر پر ہے۔
