لاہور:ایف آئی اے سائبرکرائم لاہورکی جعلی موبائل سمز فروخت کرنیوالوں کیخلاف کارروائی کرتے ہوئے نادرا کے سینئرافسران کی ملی بھگت سے کاروبار کرنے والے مختلف سیلولرکمپنیز کی فرنچائزز سے پانچ ملزمان گرفتارکر لئے ہیں۔
ملزمان کا نادرا کے اعلیٰ افسران سے ایک لاکھ سے زائد لوگوں کا ڈیٹا خریدنے کا انکشاف ہوا ہے جس کے بعد ایف آئی اے سائبر کرائمز نے کارروائی کی ہے۔ ملزمان نے کشمیر، سندھ، کے پی اورپنجاب کے لوگوں کے انگوٹھوں کے نشانات نادرا افسران سے خریدے اورپھران پرموبائل سمز جاری کیں۔
ایف آئی اے نے شالیمارانٹر پرائزپرمارکرفرنچائر کے مالک کوگرفتارکر لیا۔ملزم کی نشاندہی پرمزید چار افراد گرفتار کئے جن سے پانچ بی وی ایس، پندرہ سو پیپر فنگر پرنٹس،ایک لیپ ٹاپ اورایک ایزی پیسہ سکینر برآمد کرلیا گیا ۔
ایف آئی اے سائبر کرائم لاہور نے مقدمہ درج کرکے نادرا کے اعلیٰ افسران کے خلاف بھی تحقیقات شروع کردی ہیں۔
