پیکا ایکٹ کے خلاف کے پی اسمبلی نے بڑامطالبہ کردیا

پشاور(اسلام ڈیجیٹل) خیبرپختونخوا اسمبلی میں پیکا ترمیمی ایکٹ کے خلاف مذمتی قرارداد منظور کرلی گئی۔پیکا ترمیمی ایکٹ کے خلاف قرارداد پی ٹی آئی رہنما شفیع اللہ جان نے پیش کی جس میں کہا گیا کہ پیکا ترمیمی ایکٹ آزادی صحافت پر قدغن ہے، کے پی اسمبلی آزادی صحافت اور اظہار رائے کی آزادی پر قدغن مسترد کرتی ہے۔قرارداد کے متن کے مطابق صحافی برادری کے ساتھ مل کر یکجہتی کا اظہار کرتے ہوئے ایکٹ کی مذمت کرتے ہیں۔قرارداد میں مطالبہ کیا گیا کہ وفاق پیکا ایکٹ سے غیرجمہوری اور متنازعہ ترامیم واپس لے، قراداد کی منظوری کے بعد کے پی اسمبلی کا اجلاس پیر تک ملتوی کردیا گیا۔