Flour Update

لاہور میں چکی کا آٹا ڈیڑھ سو روپے کلو ہو گیا

لاہور میں 15 کلو آٹے کا تھیلا ڈیڑھ سو روپے مہنگا ہو گیا، ایک کلو چکی کا آٹا ڈیڑھ سو روپے کلو تک جا پہنچا۔

پنجاب کے دارالخلافہ میں 2 ہفتوں کے دوران 15 کلو کے تھیلے کی قیمت 300 روپے بڑھ چکی ہے۔

گندم کی قلت بھی برقرار ہے، سستے آٹے کے حصول کے لیے ملک کے مختلف شہروں میں عوام رُل گئے۔

آٹے، گندم کا وفاقی حکومت سے لینا دینا نہیں: وزیرِ فوڈ سیکیورٹی طارق بشیر چیمہ

حیدر آباد میں غیر معیاری سستا آٹا بھی غریبوں کو بھلا معلوم ہونے لگا۔

میر پور خاص میں لوگوں کو قطار میں لگنے کے باوجود آٹا نہ ملنے کی شکایت سامنے آئی ہے۔

سرگودھا میں سستا آٹا ہوٹلوں کو دیے جانے کی شکایات بڑھ گئیں۔