پاکستان سمیت دنیا بھر میں ہر سال 5 فروری کو مقبوضہ کشمیر پر بھارتی تسلط کے خلاف یومِ یکجہتی کشمیر منایا جاتا ہے، جس کا مقصد کشمیری عوام کے حقِ خودارادیت کی حمایت اور ان سے اظہارِ یکجہتی کرنا ہے۔
اسی تناظر میں فیلڈ مارشل سید عاصم منیر نے ایک سال قبل یومِ یکجہتی کشمیر کے موقع پر مظفرآباد میں خطاب کرتے ہوئے پاکستان کے غیر متزلزل مؤقف کو دہرایا تھا۔ اُن کا کہنا تھا کہ پاکستان کسی بھی صورت بھارت کی عددی برتری کے دباؤ میں آنے والا نہیں۔
فیلڈ مارشل سید عاصم منیر کی قیادت میں پاکستانی افواج کی بھارتی جارحیت کے جواب میں شاندار فتح کو دنیا بھرنے بھی تسلیم کیا۔
آزادکشمیر کے شہریوں نے اس حوالے سے بات کرتے ہوئے کہا کہ سپہ سالار کی گزشتہ سال یوم یکجہتی کشمیر پر مظفرآباد آمد سے دونوں اطراف کے کشمیریوں کا حوصلہ بڑھا۔
شہری کا کہنا تھا کہ ہمیں فیلڈ مارشل سید عاصم منیر کی جرات مند قیادت پر فخر ہے، فیلڈ مارشل نے گزشتہ سال مسئلہ کشمیر پر جس عزم کا اظہار کیا، مئی 2025 میں اسے پورا کر دکھایا، ہماری مسلح افواج کی شاندار کامیابی سے دنیا بھر میں پاکستان کا نام روشن ہوا۔
مسئلہ کشمیر پر فیلڈ مارشل سید عاصم منیر کا واضح موقف مظلوم کشمیریوں کے حوصلوں کو جلا بخش رہا ہے۔
