اسلا م آباد:گزشتہ ماہ مہنگائی کی شرح کم ہوکر5.6 فیصد پرآگئی، شہری علاقوں میں 5.8 فیصد، دیہات میں مہنگائی 5.4 فیصد رہی۔ادارہ شماریات کی رپورٹ کے مطابق دسمبر 2025 ء میں مہنگائی کی سالانہ شرح میں 0.4 فیصد کمی ریکارڈ کی گئی۔
گزشتہ ماہ مہنگائی کی شرح کم ہوکر5.6 فیصد پر آگئی، شہری علاقوں میں 5.8 فیصد، دیہات میں مہنگائی 5.4 فیصد رہی،نان فوڈ نان انرجی انفلیشن شرح 0.4 فیصد بڑھ کر 6.9 فیصد ہوگئی، نومبر2025 ء میں مہنگائی میں اضافے کی شرح 6.1 فیصد تھی۔
وفاقی ادارہ شماریات کی رپورٹ کے مطابق دسمبر میں ٹماٹر 45 فیصد،پیاز 33 فیصد،سبزیاں 21 فیصد سے زائد سستی ہوئیں،آلو 18 فیصد، چینی 7 فیصد، چنے 3 فیصد، گڑ 3 فیصد تک سستا ہوا،ایک ماہ میں زندہ برائلر مرغی کی قیمت میں 2.79 فیصد تک کمی آئی،بیسن، دال چنا، ماش، مسور، مونگ، چاول بھی سستی ہونیوالی اشیا میں شامل ہیں۔
گزشتہ ماہ موٹر فیول 0.66 فیصد تک سستا ہوا۔ رپورٹ کے مطابق گزشتہ ماہ پھل 6.78 فیصد،گندم 3.48 فیصد، ڈرائی فروٹ 3.29 فیصد مہنگا ہوا،انڈے3.27 فیصد،کوکنگ آئل 2.84 فیصد، خشک دودھ 2 فیصد مہنگا ہوا،اس کے علاوہ گندم آٹا 2 فیصد،گھی 1.92 فیصد، مچھلی بھی 2 فیصد تک مہنگی ہوئی۔
گزشتہ ماہ ایندھن 16.37 فیصد،کوئلہ 2.76 فیصد، گارمنٹس 2.44 فیصد مہنگے ہوئے،میرج ہال چارجز میں 1.96 فیصد، ٹرانسپورٹ کرایوں میں ایک فیصد تک اضافہ ہوا۔
رپورٹ کے مطابق خوراک اورمشروبات کی قیمتوں میں سالانہ 3.24 فیصد تک اضافہ ہوا،جلد خراب ہونے والی اشیا سالانہ بنیادپر 20 فیصد سے زائد سستی ہوئیں،دیگرکھانے پینے کی اشیا 7.49 فیصد تک مہنگی ہوئیں۔
ایک سال میں الکوحل اور تمباکو کی قیمتوں میں 3.91 فیصد تک اضافہ ہوا۔ وفاقی ادارہ شماریات کے مطابق سالانہ بنیادپرکپڑے،جوتے 6.22 فیصد،پانی،بجلی،گیس،فیول 6.86 فیصد مہنگا ہوا،ایک سال میں تعلیم 9.90 فیصد،صحت کی سہولیات 7.74 فیصدتک مہنگی ہوئی،سالانہ بنیادپرٹرانسپورٹ کرائے 5 فیصد، ہوٹل چارجز 5.57 فیصدبڑھ گئے۔
