شمالی غزہ میں فلسطینی مجاہدین نے اسرائیلی فوج پر گھات لگا کر حملہ کردیا جس کے نتیجے میں 5 اسرائیلی فوجی ہلاک اور 10 سے زائد شدید زخمی ہوگئے ہیں۔
خبر رساں اداروں کے مطابق شمالی غزہ کے علاقے بیت حانون میں حماس کی جانب سے اسرائیلی فوج کی گاڑی کو نشانہ بنایا گیا۔
حملے کے بعد ایک اسرائیلی فوجی لاپتہ بھی ہے۔
عرب میڈیا کا کہنا ہے کہ حملے کا نشانہ بننے والے اسرائیلی فوجی Yahalom یونٹ کا حصہ تھے، ہلاک اہلکار غزہ میں گھروں کو تباہ کرنے میں مہارت رکھتے تھے۔
خبر رساں اداروں کے مطابق حملے کے بعد اسرائیلی ہیلی کاپٹرز جائے وقوعہ پر پہنچے اور زخمیوں کو اسپتال منتقل کرنے کے ساتھ ساتھ شدید فائرنگ بھی کی۔
