امریکا میں ٹک ٹاک پر ممکنہ پابندی کی ڈیڈ لائن ایک بار پھر بڑھا دی گئی ہے، اور اب نئی تاریخ 19 جون 2025 مقرر کی گئی ہے۔
تفصیلات کے مطابق امریکی صدر ڈونلڈ ٹرمپ نے یہ فیصلہ اس وقت کیا جب چینی کمپنی بائٹ ڈانس، جو ٹک ٹاک کی مالک ہے، کو امریکی صارفین کے لیے اپنی سروسز جاری رکھنے کی شرط کے طور پر ایپ کے امریکی اثاثے کسی امریکی کمپنی کو فروخت کرنے کی ہدایت دی گئی۔ اگر بائٹ ڈانس مقررہ مدت تک یہ مطالبہ پورا نہ کر سکی، تو امریکا میں ٹک ٹاک پر مکمل پابندی عائد کی جا سکتی ہے۔
واضح رہے کہ جنوری 2025 میں “Protecting Americans from Foreign Adversary Controlled Applications Act” کے تحت ٹک ٹاک پر پابندی کا فیصلہ کیا گیا تھا، جس کے بعد ایپ کو امریکا میں عارضی طور پر بند کر دیا گیا تھا۔
بعد ازاں، صدر ٹرمپ نے پابندی کے نفاذ میں 75 دن کی مہلت دیتے ہوئے ڈیڈ لائن 5 اپریل 2025 تک بڑھا دی۔ اپریل میں ایک اور 75 دن کی توسیع دی گئی، جس کے بعد اب پابندی کی نئی تاریخ 19 جون 2025 ہے۔
