نئی دہلی:بھارت نے اپنا جنگی جنون جاری رکھتے ہوئے اسرائیلی ساختہ فضائی دفاعی نظام کا تجربہ کیا ہے جس سے ایک بارپھراسلحے کی دوڑ میں بھارت اسرائیل گٹھ جوڑ بے نقاب ہو گیا ہے ۔
کشمیرمیڈیاسروس کے مطابق بھارت نے ہائپرسونک میزائل کا تجربہ کیا ہے جس سے ظاہر ہوتاہے کہ بھارت کا اسرائیلی ہتھیاروں پر انحصار بڑھ گیاہے۔
اسرائیلی میڈیا کے مطابق اسرائیل ایرو اسپیس انڈسٹریزنے دعویٰ کیا ہے کہ یہ میزائل سسٹم اسرائیلی کمپنی اور بھارتی اسلحہ ساز کمپنی ڈی آر ڈی او نے نے مل کرتیار کیا ہے جو دونوں ممالک کے درمیان گٹھ جوڑ اور اسلحہ کی دوڑ کو مزید واضح کرتا ہے۔
اس دفاعی نظام کو زمینی اور بحری دونوں پلیٹ فارمز پر نصب کیا جا سکتا ہے اور یہ 70کلومیٹر تک فضائی اہداف کو نشانہ بناسکتا ہے۔
اسرائیلی میڈیا کے مطابق اس دفاعی نظام کو 2017ء میں بھارت کو فروخت کیا گیا تھا اور تب سے مسلسل اس کے تجربات جاری تھے۔ یہ سسٹم پہلے ہی بھارتی فضائیہ اور بحریہ کا حصہ ہے جبکہ حالیہ تجربات بری فوج کے لیے کیے گئے ہیں۔
