کوئٹہ : جعفر ایکسپریس آپریشن میں جہنم واصل کیے جانے والے دہشت گردوں کی لاشوں کی تصاویر منظر عام پر آگئیں۔
ذرائع کے مطابق یہ تمام دہشت گرد سیکورٹی فورسز کے کلیئرنس آپریشن کے دوران جہنم واصل کیے گئے۔ جعفر ایکسپریس آپریشن میں سیکورٹی فورسز نے 33 دہشت گردوں کو جہنم واصل کیا اور مسافروں کو بازیاب کروایا۔ذرائع کے مطابق دہشت گردوں کے پاس بھاری مقدار میں ہر طرح کا غیر ملکی اسلحہ بھی موجود تھا۔
تصاویر میں دیکھا جا سکتا ہے کہ دوران آپریشن مارے جانے والے دہشت گرد غیر ملکی جدید اسلحہ سے لیس تھے۔ ذرائع کے مطابق یہ وہی دہشت گرد تھے جو نہتے اور معصوم مسافروں کو یرغمال بنا کر ڈھال کے طور پر استعمال کرنا چاہتے تھے۔سکیورٹی فورسز دہشت گردی کو جڑ سے اکھاڑنے اور دہشت گردوں کو ختم کرنے کیلئے پ±رعزم ہیں۔
سانحہ جعفر ایکسپریس: ہلاک دہشت گردوں کی تصاویر منظر عام پر
