کراچی(اسلام ڈیجیٹل)برطانیہ کیلئے پاکستانی ائیرلائنز کی پروازوں کی بحالی کے معاملے پر برطانوی محکمہ ٹرانسپورٹ کی 7رکنی ٹیم آڈٹ کے لیے پاکستان پہنچ گئی۔
ذرائع کے مطابق برطانوی محکمہ ٹرانسپورٹ کی ٹیم آج پیر سے پاکستان سول ایوی ایشن کا آڈٹ شروع کرے گی، برطانوی ٹیم سی اے اے کے لائسنسنگ، ائیروردینیس، فلائٹ اسٹینڈرڈ سمیت دیگر شعبہ جات کا آڈٹ کرے گی۔
ڈی جی سی اے اے نادر شفیع ڈار کی صدارت پاکستان سی اے اے کی ٹیم برطانوی حکام کو بریفنگ دی جائے گی، 6فروری تک برطانوی ٹیم پاکستان سی اے اے کا آڈٹ کرے گی۔آڈٹ میں کامیابی پر پی آئی اے سمیت تمام پاکستانی ائیرلائنز پر 2020ء سے برطانیہ میں لگی پابندی ختم ہونے کے قوی امکانات پیدا ہوں گے۔پاکستان سول ایوی ایشن کے حکام نے آڈٹ کی تیاری مکمل کرلی۔ سول ایوی ایشن ملازمین کو برطانوی ٹیم کے آڈٹ کے دوران لازمی دفتر آنے کی ہدایت کردی ہے۔
