کراچی: سابق گورنر سندھ ڈاکٹرعشرت العباد خان نے سیاسی جماعت بنانے کااعلان کردیا ہے۔
عشرت العباد کے سیاسی جماعت کے قیام کے فیصلے کے بعد سندھ کے شہری علاقوں کی سیاست میں ہلچل کا امکان ہے۔ نئی سیاسی جماعت کا انفراسٹکچر تکمیل کے آخری مراحلے میں ہے جبکہ مختلف سیاسی جماعت کے اہم رہنماوں سے سابق گورنرسندھ نے رابطوں کا سلسلہ تیزکردیا ہے۔
آنے والے چند ماہ میں پا رٹی نئے نام سے کام شروع کردے گی اور کراچی میں سیاسی خلا پر کرنے کی ہر ممکن کوشش کرے گی۔ اس حوالے سے حکمت عملی مرتب کر کے علاقائی سطح پر کام شروع کردیا گیا ہے جبکہ اب تک کسی عہدیدار کا حتمی فیصلہ نہیں ہوا ہے اور اس حوالے سے مشاورت کا سلسلہ جاری ہے۔
