الیکشن کمیشن آف پاکستان (ای سی پی) نے پاکستان تحریک انصاف (پی ٹی آئی) کے انٹرا پارٹی الیکشن کے معاملے پر چیئرمین پی ٹی آئی کو 4 اگست کو طلب کرلیا۔
الیکشن کمیشن کے نوٹس میں کہا گیا ہے کہ انٹرا پارٹی الیکشن نہ ہونے پر پی ٹی آئی انتخابی نشان لینے کیلئے نا اہل ہوسکتی ہے، پی ٹی آئی انٹرا پارٹی الیکشن 13جون 2021 کو متوقع تھے۔
نوٹس میں کہا گیا کہ الیکشن کمیشن نے یاد دہانیوں کے نوٹسز جاری کیے، جون 2022 کو آخری نوٹس جاری کیا گیا اب مزید توسیع نہیں ہوگی۔
الیکشن کمیشن کے نوٹس میں کہا گیا ہے کہ پاکستان تحریک انصاف (پی ٹی آئی) نے ترمیم شدہ آئین کی کاپی جمع کروائی جو ناکافی تھی۔
