لاہور: قومی احتساب بیورو ( نیب) نے 190 ملین پاؤنڈ کیس میں چیئرمین پی ٹی آئی اور بشریٰ بی بی کو طلب کرلیا۔
قومی احتساب بیورو کی جانب سے طلبی کا نوٹس عمران خان کی رہائش گاہ زمان پارک پر موصول کروایا گیا جس میں چیئرمین پی ٹی آئی اور بشریٰ بی بی کو 7 جون کو نیب راولپنڈی میں پیش ہونے کی ہدایت کی گئی ہے۔
اس سے قبل 23 مئی کو احتساب عدالت نے 190 ملین پاؤنڈ اسکینڈل میں چیئرمین تحریک انصاف عمران خان کی اہلیہ بشری بی بی کی درخواست ضمانت منظور کرلی تھی۔
خیال رہے کہ عمران خان اور بشری بی بی کے خلاف نیب میں 190 ملین پانڈ اسکینڈل کی تحقیقات جاری ہیں اور اسی سلسلے میں نیب ٹیم کی زمان پارک آمد ہوئی جہاں چیئرمین پی ٹی آئی اور بشری بی بی کی طلبی کا سمن موصول کروادیا گیا۔
