پنجاب، سرکاری ہسپتالوں میں موبائل کے استعمال پر پابندی، کام چوروں کو گھر جانا ہوگا، مریم نواز

لاہور : وزیر اعلیٰ پنجاب مریم نواز شریف نے سرکاری ہسپتالوں کیلئے نئی میڈیسن لسٹ بنانے کا حکم دے دیا۔ نئی میڈیسن کی لسٹ مرتب کرنے کیلئے کمیٹی بنانے کی بھی ہدایت کی ۔
وزیر اعلیٰ مریم نواز شریف کے زیر صدارت خصوصی اجلاس منعقد ہوا جس میں میںہیلتھ پراجیکٹس کی پیشرفت کا جائزہ لیا گیا۔ اجلاس میں سرکاری ہسپتالوں میں دوران ڈیوٹی ڈاکٹر، نرس کے موبائل استعمال پر پابندی پر اتفاق کیا گیا ہے۔ اس موقع پر ہسپتالوں کے سیکورٹی گارڈ، وارڈ بوائے،نرسوں، فارمیسی سٹاف کو باڈی کیم لگانے کا اصولی فیصلہ کیا۔ وزیراعلیٰ مریم نواز شریف نے ہر سرکاری ہسپتال میں روزانہ نو بجے تک مکمل سٹیم کلینگ (Cleaning) کرنے کی ہدایت کی۔
اجلاس میں پنجاب کے سرکاری ہسپتالوں کو جدید طبی آلات سے لیس کرنے کیلئے چینی ساختہ طبی آلات کی اجازت نامے پر بھی غور کیا گیا۔ وزیر اعلیٰ مریم نواز شریف نے ہسپتالوں میں موجودسیکورٹی کمپنیوں اور سیکورٹی گارڈ کے خلاف عوامی شکایات کا سخت نوٹس لیا۔ وزیراعلیٰ مریم نواز شریف نے ہسپتالوں میں میڈیسن کی فراہمی کے فول پروف طریقہ کاراپنانے کا حکم دیا۔
اس موقع پر پنجاب میں ایم ایس پول قائم کرنے اور صرف پرفارمنس پر تنخواہیں بڑھانے کا فیصلہ کیا گیا۔ اجلاس میںکمیونٹی ہیلتھ انسپکٹرز کو ہاسپٹل سروے کی ذمہ داری بھی سوپنے پر اتفاق کیا گیا۔ پنجاب بھر کے سرکاری اسپتالوں میں اب ہر مریض کو اب عالمی معیار کی جدید ترین ادویہ ملیں گی، اسپتالوں میں میڈیکل اسٹاف کے موبائل فون استعمال پر پابندی جبکہ تنخواہیں صرف پرفارمنس پر بڑھیں گی۔ وزیر اعلی مریم نواز کی زیرصدارت اجلاس میں صحت کے شعبے میں پیشرفت کا جائزہ لیا گیا ۔
وزیراعلی مریم نواز نے سرکاری اسپتالوں کے لئے نئی اور جدید ادویات کی فہرست مرتب کرنے اور کمیٹی بنانے کا حکم دیا۔ دوران ڈیوٹی ڈاکٹرز نرسوں کے موبائل استعمال پر پابندی پر اتفاق کیا گیا۔ ہر سرکاری اسپتال میں روزانہ 9 بجے تک مکمل سٹیم کلیننگ کرنے کا حکم دیدیا گیا۔مریم نواز کا کہنا تھا کہ 80 ارب روپے میڈیسن کے لیے دے رہے ہیں اور ادویات کا نہ ملنا ناقابل فہم ہے۔اب عوام کے پیسے اور وقت ضائع نہیں ہوں گے، نااہل اور کام چوروں کو گھر جانا ہوگا۔