سعودی عرب ، قطر اورایران نے پاکستان اور افغانستان کے درمیان سرحدی جھڑپوں پر شدید تشویش کا اظہار کرتے ہوئے دونوں ممالک سے تحمل، صبر اور بات چیت کے ذریعے مسئلہ حل کرنے کی اپیل کی ہے۔پاک افغان بارڈر صورتحال پر سعودی حکام نے کہا کہ پاکستان اور افغانستان کے درمیان سرحدی جھڑپوں پر تشویش ہے، دونوں ممالک سے تحمل، صبر اور بات چیت کے ذریعے مسئلہ حل کرنے کی اپیل ہے۔سعودی وزارت خارجہ کے مطابق خطے میں امن و استحکام کے لیے کشیدگی کم کرنا ضروری ہے، پاکستان اور افغانستان کے عوام کی سلامتی و خوشحالی کے لیے دعاگو ہیں۔
قطر نے کہاہے کہ پاکستان اور افغانستان کے درمیان کشیدگی خطے کے امن پر منفی اثر ڈال سکتی ہے۔ اپنے بیان میں قطر نے پاکستان اور افغانستان کے درمیان کشیدگی پر اظہار تشویش کیا ہے۔ قطری وزارت خارجہ کی جانب سے جاری بیان میں کہا گیا ہے کہ دونوں ممالک تحمل، بات چیت اور سفارتکاری سے مسائل حل کریں۔قطری وزارت خارجہ کے مطابق خطے میں امن و استحکام کے لیے کشیدگی میں کمی ناگزیر ہے، پاکستان اور افغانستان کے درمیان کشیدگی خطے کے امن پرمنفی اثرڈال سکتی ہے۔قطری وزارت خارجہ نے کہا کہ پاکستان اور افغانستان کے عوام کے امن و خوشحالی کے لیے پْرعزم ہیں۔
ایران نے پاکستان اور افغانستان کے درمیان حالیہ کشیدگی پر تشویش کا اظہار کرتے ہوئے معاملے کے حل کے لیے ثالثی کی پیشکش کی ہے۔ ترجمان ایرانی وزارت خارجہ اسماعیل بقائی نے اپنے ایک بیان میں کہا کہ پاکستان اور افغانستان کی حالیہ کشیدگی پرتشویش ہے ہرملک کی علاقائی سالمیت اور قومی خودمختاری کا احترام ضروری ہے۔ایرانی وزارت خارجہ کے ترجمان نے کہا کہ کشیدگی کم کرنے کے لیے پاکستان اور افغانستان فوری مذاکرات کریں، ایران پڑوسیوں میں کشیدگی کم کرانے میں مدد کیلئے تیار ہے۔
