مسلم ممالک اسرائیل سے تعلقات ختم کریں، ایرانی سپریم لیڈر

ایرانی رہبر اعلیٰ سید علی خامنہ ای نے کہا ہے کہ مسلمانوں کو اسرائیل سے ہر قسم کے تعلقات ختم کرنا ہوں گے۔
ایرانی میڈیا کے مطابق ایرانی سپریم لیڈر سید علی خامنہ ای نے ایرانی صدر اور کابینہ سے ملاقات میں کہا کہ اسرائیلی ریاست شرمناک جرائم کررہی ہے۔
ایرانی رہبر اعلیٰ کا کہنا تھا کہ وہ مسلم ممالک جو اسرائیل کے خلاف احتجاج کررہے ہیں انہیں چاہیے کہ وہ اسرائیل سے ہر قسم کے تعلقات کا خاتمہ کریں۔
انہوں نے مزید کہا کہ اس وقت اسرائیل کے خلاف نفرت میں اضافہ ہورہا ہے اور وہ سفارتی تنہائی کا شکار ہورہا ہے۔