پاکستان سے روایتی جنگ میں شکست خوردہ بھارت پاکستان کو ویکسینز سپلائی میں رکاوٹیں ڈالنے لگا۔ذرائع وزارت صحت کے مطابق یونیسیف نے پاکستان کیلئے17 ملین سے زائد ویکسین ڈوزبھارتی کمپنی سے خریدی ہیں۔
ویکسین کی 60 فیصد رقم یونیسیف، 40 فیصد پاکستان نے ادا کی ہے، پاکستان نے یونیسیف سے ویکسین فراہمی کی درخواست کی تھی۔ذرائع کا کہنا ہے کہ بھارت نے یونیسیف کو ویکسین جولائی کے آغاز پر سپلائی کرنی تھی، بھارتی کمپنی ویکسین سپلائی کرنے میں تاخیری حربے استعمال کر رہی ہے۔ذرائع کے مطابق یونیسیف کی پاکستان کیلئے ویکسین خریداری بھارتی علم میں نہیں تھی، بھارتی کمپنی پاکستان کا علم ہونے پر دانستہ طور تاخیر کر رہی ہے۔
ذرائع کا بتانا ہے کہ یونیسیف نے پاکستان کیلئے بی سی جی، پینٹا ویلنٹ، نمونیہ ، پولیو، ٹائیفائیڈ، خسرہ و روبیلا، ہیضہ،بچوں کی ٹی بی ویکسین کی 30 لاکھ سے زائد ڈوز اور پینٹاویلنٹ ویکسین کی 20 لاکھ سے زائد ڈوز، 20 لاکھ سے زائد پولیو ویکسین انجکشن ،نوموکوکل ویکسین کی ساڑھے چودہ لاکھ سے زائد ڈوز، ٹائیفائیڈ 31، خسرہ 28 لاکھ اور ہیضہ کی 30 لاکھ سے زائد ڈوز خریدی گئی ہیں۔
