جان بچا نے والی ادویات کی قیمتوں میں 3فیصد سے زائد اضافہ متوقع ہے،ادویات کی قیمتوں میں مہنگائی کی شرح کے تناسب سے اضافہ کیا جائے گا۔ذرائع نے بتایاکہ رواں سال مہنگائی کی شرح 4.49فیصد تک رہی،ادویات کی قیمتوں میں اضافہ شرح مہنگائی کے 70فیصد تک ہوسکے گا۔
ڈریپ کے زیرکنٹرول ادویات کی قیمتیں3.14فیصد تک بڑھیں گی،ادویات کی قیمتوں میں سالانہ اضافہ اگست یا ستمبر میں ہوگا،متعدد دواسازکمپنیوں نے قیمتیں بڑھانے کیلئے ڈریپ کو درخواستیں دے دیں۔ہارڈشپ کیسز سے متعلق وزیراعظم نے بین الوزارتی کمیٹی تشکیل دے رکھی ہے۔
بعض ادویات کی قیمتیں بین الوزارتی کمیٹی کی سفارشات کے تحت بڑھ سکیں گی،وفاقی وزارت صحت کے ذرائع نے بتایاکہ دو ہفتے تک قیمتوں میں اضافہ سے متعلق وزیر اعظم کو سفارشات بھیج دیں گے۔
