پشاور: رکن قومی اسمبلی شیر افضل مروت نے کہا ہے کہ پی ٹی آئی میں کوئی غدار ہے تو علیمہ خان سے بڑا کوئی غدار نہیں، انہوں نے پارٹی کا شیرازہ بکھیر دیا۔
ایک انٹرویو میں انہوں نے انکشاف کیا کہ بانی پی ٹی آئی علیمہ خان سے خود نہیں ملنا چاہتے، بانی نے جیل حکام کو کہا ہے علیمہ خان کو ملاقات کی فہرست سے نکال دیں، وہ یہ بھی کہہ چکے علیمہ خان کا سیاست سے کوئی تعلق نہیں۔
ایک سوال کے جواب میں شیر افضل مروت کا کہنا تھا کہ علیمہ خانم کا بیٹا شہر میں دندناتا پھر رہا ہے جبکہ دوسری بہن کا بیٹا جیل میں ہے، جو الزامات حسان نیازی پر ہیں وہی علیمہ خان کے بیٹے پر بھی ہیں۔علیمہ خان وضاحت دیں ان کابیٹا کیوں آزاد ہے اور حسان نیازی کیوں جیل میں ہے؟ علیمہ خان نے پی ٹی آئی میں انتشار کا کوئی موقع ہاتھ سے جانے نہیں دیا، کبھی علی امین گنڈا پور تو کبھی بیرسٹر سیف پر تنقید۔ انہوں نے کسی کو نہیں چھوڑا سب کو متنازعہ بنایا ہے۔
ایک سوال پر شیرافضل مروت نے کہا کہ بانی پی ٹی آئی نے بیرسٹرسیف کو فائنل سینیٹ امیدواروں کی فہرست دی تھی، علیمہ خان نے بیرسٹرسیف کو بلوا کر کہا کہ فہرست کو تبدیل کریں۔
شیرافضل مروت کا کہنا تھا کہ بیرسٹر سیف نے واضح کیا بانی پی ٹی نے فہرست دی ہے تبدیل نہیں کرسکتا، فہرست میں مشال یوسفزئی کا بھی نام تھا جو علیمہ خان کو پسند نہیں تھا۔مشال یوسفزئی بشری بی بی کے قریب ہیں اس لیے علیمہ خان کی دشمن ہیںجو بھی بشری بی بی کے قریب ہوگا علیمہ خانم ان کی دشمن بن جائیں گی۔علیمہ خان نے آج تک نہیں بتایاکہ2002میں26کروڑ کا گھرکیسے خریدا، علیمہ خان کے ساتھ ایک خاتون تھی ان کے پیسے ہتھیائے وہ عدالتوں میں گئی۔
