ڈیرہ بگٹی میں ڈاکوئو ں نے حملہ کرکے پولیس و لیویز کے 7 اہلکاروں کو اغوا کرلیا، اطلاع ملتے ہی پولیس اور لیویز کی بھاری نفری علاقے پہنچ گئی، سیکورٹی فورسز نے علاقے میں سرچ آپریشن شروع کردیا ۔لیویز حکام کے مطابق ڈیرہ بگٹی کی تحصیل سوئی میں لیویز نے ڈکیتی کے شبے میں دو افراد کو گرفتار کیا جس کے رد عمل میں ڈاکوئوں کے ساتھیوں نے لیویز اور پولیس کے دو ناکوں پر حملہ کیا۔
ملزمان نے لیویز کے 4 اہلکاروں اور پولیس کے 3 اہلکاروں کو اغوا کرلیا۔ ڈپٹی کمشنر بگٹی زوہیب الحق کے مطابق ڈیرہ بگٹی کے علاقے سوئی نالے سے نامعلوم افراد نے تین پولیس اہلکاروں کانسٹیبل محمد یاسین کانسٹیبل بچل خان اورکانسٹیبل محمد جان جبکہ ڈولی چیک پوسٹ سے لیویز اہلکاروں عمیر حیات، علی نواز اورمٹھاخان کو اغوا کرکے نامعلوم مقام کی طرف فرارہو گئے ۔
ذرائع کے مطابق سرکاری اسلحہ بھی اپنے ساتھ لے گئے واقعہ کے بعد پولیس وسیکورٹی فورسز نے علاقے کی ناکہ بندی کردی تاہم کوئی گرفتاری عمل میں نہیں آسکی۔
