صارفین کیلئے خوش خبری، ملک بھر میں بجلی سستی کردی گئی، فی یونٹ کتنا ریلیف؟

اسلام آباد : ملک بھر کے صارفین کے لیے بجلی ماہانہ ایڈجسٹمنٹ کی مد میں سستی کردی گئی جس کا نیپرا نے نوٹی فکیشن بھی جاری کردیا۔
نیپرا سے جاری کردہ نوٹی فکیشن کے مطابق ملک بھر کے لیے ماہانہ ایڈجسٹمنٹ کی مد میں بجلی سستی کردی گئی، کراچی کے لیے بجلی کی قیمت میں 4 روپے 3پیسے فی یونٹ اور ملک کے دیگر شہروں میں بجلی50 پیسے فی یونٹ سستی کردی گئی ہے۔
نیپرا نے ماہانہ ایڈجسٹمنٹ میں بجلی کی قیمتوں میں کمی کے الگ الگ نوٹی فکیشنز جاری کر دیے، جس میں کہا گیا ہے کہ بجلی صارفین کو کمی کا ریلیف جولائی کے بلوں میں ملے گا۔نوٹی فکیشن میں کہا گیا ہے کہ کےـالیکٹرک کے لیے بجلی اپریل 2025 کی ماہانہ ایڈجسٹمنٹ میں سستی کی گئی اور باقی ملک کے لیے مئی 2025 کی ایڈجسٹمنٹ میں بجلی کی قیمت میں کمی کی گئی ہے۔
نیپرا نے نوٹی فکیشن میں بتایا کہ کےـالیکٹرک نیاپریل کی ایڈجسٹمنٹ میں 4 روپے 69 پیسے فی یونٹ کمی کی درخواست کی تھی جبکہ سی پی پی اے نے مئی کی ایڈجسٹمنٹ میں 10 پیسے فی یونٹ کا اضافہ مانگا تھا۔