لاہور:لاہور میں وائرل انفیکشن کے مریض سامنے آنے لگے۔ تیز بخار، کھانسی، جسم میں درد کی شکایات کے مریضوں کو طبی ماہرین نے ممکنہ کورونا وائرس قرار دے دیا۔
تفصیلات کے مطابق لاہور میں وائرل انفیکشن پھیلنے لگا۔ گزشتہ 3ہفتوں میں سینکڑوں مریض سرکاری و نجی ہسپتالوں، کلینکس میں رپورٹ ہوگئے۔ طبی ماہرین نے ممکنہ کورونا وائرس کا پھیلا ؤقرار دے دیا۔مریضوں کو تیز بخار، کھانسی، جسم میں درد کی شکایات ہیں۔ مگر طبی ماہرین کے مطابق وائرس کی متعدد قسمیں سامنے آنے پر اب کورونا ٹیسٹ کا مشورہ نہیں دیتے۔
نجی لیبارٹریز کے مطابق لوگ کورونا ٹیسٹ نہیں کروا رہے۔ محکمہ صحت پنجاب بھی ٹیسٹ نہیں کر رہا۔ ہیڈ آف پلمنولوجی،میڈیکل یونیورسٹی پروفیسرعرفان ملک کا کہنا ہے کہ کورونا وائرس کا پھیلاؤ ہو رہا ہے، لوگ ہسپتالوں میں داخل ہورہے ہیں۔طبی ماہرین نے شہریوں کو رش کے مقامات میں ماسک کا استعمال کرنے، علامات ظاہر ہونے پر قرنطینہ کرنے کا مشورہ دیا ہے ۔
