راولپنڈی: پاکستان تحریک انصاف کے ممکنہ احتجاج کے پیش نطر اڈیالہ جیل کے اطراف خصوصی سیکورٹی پلان نافذ کر دیا گیا۔
ذرائع کے مطابق اڈیالا جیل کے اطراف 3 دن کے لیے خصوصی سیکورٹی پلان نافذ کر دیا گیا ہے۔
ذرائع کا بتانا ہے کہ اڈیالا جیل آنے والے راستوں پر 8 اضافی پکٹس قائم کر دی گئی ہیں، سیکورٹی پلان کے تحت 200کے قریب افسران و اہلکار تعینات کیے گئے ہیں۔
ذرائع کا کہنا ہے کہ سیکورٹی اہلکار 3 شفٹوں میں ڈیوٹی کے فرائض انجام دیں گے، ایس پی صدر نبیل کھوکھر سیکورٹی کی نگرانی کریں گے۔
ذرائع کا بتانا ہے کہ اڈیالا جیل کے باہر پی ٹی آئی کے ممکنہ احتجاج کے پیش نظر سیکورٹی پلان نافذ کیا گیا ہے، سیکورٹی کیلئے ریزور فورس کی بھی مدد حاصل ہو گی جبکہ پولیس کو اینٹی رائٹ سامان سے بھی لیس کیا گیا ہے۔
