سعودی فرماں روا شاہ سلمان بن عبدالعزیز نے عید الفطر کی نماز جدہ کے قصر السلام میں ادا کی۔
شاہ سلمان نے عید کے موقع پر مسلمانوں کے نام تہنیتی پیغام بھی جاری کیا۔
ایکس پر جاری بیان میں سعودی فرماں روا نے کہا کہ “اللہ تعالی نے ہمیں رمضان میں صیام اور قیام کی توفیق بخشی، میں آپ لوگوں کو عید الفطر کی مبارک باد پیش کرتا ہوں۔ عید کے موقع پر اللہ تعالی کے حضور سوال کرتے ہیں کہ وہ ہمارے ملک پر امن و استحکام اور ترقی کے سائے کو دوام عطا فرمائے، اور امت اسلامیہ اور پورے عالم کو امن و سلامتی کا گہوارہ بنائے، ہر سال آپ سب خیر و عافیت سے رہیں۔”
دوسری جانب سعودی ولی عہد شہزادہ محمد بن سلمان نے عید الفطر کی نماز مکہ مکرمہ میں مسجد حرام میں ادا کی۔ ان کے ساتھ لبنان کے وزیر اعظم نواف سلام بھی موجود تھے جو سعودی عرب کا دورہ کر رہے ہیں۔
جدہ کے شاہی محل قصر السلام میں نماز عید کا منظر دیکھا جا سکتا ہے۔
نماز عید کے بعد شہزادے شاہ سلمان سے عید مل رہے ہیں۔
