لاہور: پاکستان میں پہلی بار ادارہ ماحولیات پنجاب نے صنعتوں اور بھٹوں کو منفرد شناختی نمبر الاٹ کر دیے۔
ڈی جی ماحولیات پنجاب عمران حامد شیخ نے بتایا کہ ماحولیاتی تحفظ ایجنسی نے تمام صنعتوں اور اینٹوں کے بھٹوں کی ای میپنگ مکمل کر لی ہے اور تمام یونٹس کو منفرد شناختی نمبر جاری کر دیے گئے۔اب سے ای پی اے فورس کی ہر انسپیکشن منفرد شناختی نمبر کے تحت ریکارڈ ہوگی۔
انہوں نے کہا کہ فیلڈ انسپیکشن کے عمل میں مزید شفافیت اور موثر نگرانی کے لیے ایکو واچ ایپ میں شناختی نمبر کا اندراج لازمی قرار دیا گیا،ہر یونٹ یا بھٹے کے معائنے کے دوران اس کا شناختی نمبر بھی درج کرنا ضروری ہوگا۔
ترجمان ادارہ ماحولیات پنجاب ساجد بشیر نے بتایا کہ انسپیکشن ڈیٹا ایکو واچ ایپ میں اپلوڈ ہوتے ہی تصویری، ویڈیو اور لوکیشن ریکارڈ کا حصہ بن جائے گا،یہ نیا حکم 17مارچ سے نافذ العمل ہوگا، خلاف ورزی پر پیڈا ایکٹ کے تحت کارروائی ہوگی،تمام متعلقہ محکموں، افسران اور فیلڈ انسپکٹرز کو ضروری ہدایات جاری کر دی گئیں۔
