اسلام آباد:کسان اتحاد پاکستان نے وزیرِاعظم کو گندم کے نرخ اور کسانوں کے مسائل پر خط لکھ دیا۔
گندم کی قیمت 4 ہزار 200 روپے فی من مقرر کرکے فوری خریداری یقینی بنانے کا مطالبہ کردیا۔ نجی ٹی وی کے مطابق صدر کسان اتحاد خالد حسین باٹھ کی جانب سے لکھے گئے خط میں کہا گیا ہے کہ پچھلے سال حکومت نے گندم کا ریٹ 3 ہزار 900 روپے فی من مقرر کیا تھا مگر خریداری نہیں کی۔
صدر کسان اتحاد پاکستان کے خط میں کہا گیا ہے کہ اگر اس سال بھی حکومت نے گندم نہ خریدی تو ملکی غذائی تحفظ کو سنگین خطرہ ہوگا، کسانوں پر ناجائز ٹیکس لگا کر 50 لاکھ روپے تک کے غیر منصفانہ بل بھیجے گئے۔خط میں یاد دہانی کرائی گئی کہ پاکستان اربوں ڈالرز کی گندم درآمد کرنے کی سکت نہیں رکھتا، کسانوں کو ان کا جائز حق دیا جائے۔
