اسلام آباد:وزیر اعظم کے مشیر برائے سیاسی امور رانا ثناء اللہ کا کہنا ہے کہ پاکستان خطے میں دہشت گردی کے خاتمے پر ہمیشہ امریکا سے تعاون کے لے تیار ہے۔
نجی ٹی وی کے مطابق وزیراعظم کے مشیر رانا ثنا اللہ نے امریکی سفارتخانے کے پولیٹیکل قونصلر زیک ہارکنرائیڈر سے ملاقات کی جس میں دو طرفہ تعاون پر تبادلہ خیال کیا گیا۔رانا ثنا اللہ نے کہا کہ امریکا تاریخی طور پر پاکستان کا اسٹریٹیجک پارٹنر رہا ہے۔
پاکستانی حکومت اور سیکورٹی اداروں کے لیے انتہائی مطلوب دہشت گرد کی گرفتاری باعث فخر ہے۔انہوں نے کہا کہ دہشت گردی کے خلاف جنگ میں پاکستان کی قربانیاں قابل تحسین ہیں۔
رانا ثنا اللہ نے کہا کہ پاکستان کے سیکورٹی اہلکاروں اور عوام کی قربانیاں رائیگاں نہیں جانے دیں گے، پاکستان کی معیشت اور خارجہ تعلقات مستحکم ہورہے ہیں۔انہوں نے مزید کہا کہ پاکستان امریکا کے ساتھ عوامی روابط پر مبنی خوشگوار تعلقات چاہتا ہے۔
