قلات:قلات میں ایف سی کے قافلے پر خودکش دھماکے میں ایک اہلکار شہید اور 4 زخمی ہوگئے۔ ڈپٹی کمشنر کے مطابق خود کش حملہ خاتون نے کیا،ڈپٹی کمشنر قلات بلال شبیر کے مطابق قلات کے علاقے مغلزئی کے قریب قومی شاہراہ پر ایف سی کے قافلے پر خاتون خودکش بمبار نے حملہ کردیا۔
ڈپٹی کمشنر قلات نے بتایا کہ دھماکے میں ونگ کمانڈر محفوظ رہے۔لیویز حکام کے مطابق دھماکے کے بعد ریسکیو اور سیکورٹی ٹیمیں جائے وقوعہ پہنچ گئیں، علاقے کو گھیرے میں لے لیا گیا، زخمیوں کو طبی امداد کیلئے قریبی اسپتال منتقل کردیا گیا۔حملے میں شہیداہلکار کی شناخت نائیک عطا اللہ کے نام سے ہوئی ہے۔
