کراچی: زکوٰۃ کی کٹوتی کے مقصد کے لیے تمام بینک اور مالیاتی ادارے یکم رمضان کو بند رہیں گے۔
اس حوالے سے مرکزی بینک دولت پاکستان (اسٹیٹ بینک) باضابطہ نوٹیفکیشن جاری کرے گا ۔ بینک ملازمین کو معمول کے مطابق کام کرنے اور ڈیوٹی انجام دینے کے لیے رپورٹ کریں گے، تاہم عوامی لین دین نہیں کریں گے۔
واضح رہے پاکستان میں رمضان المبارک کا مقدس مہینہ 2 مارچ 2025ء کو شروع ہونے کا امکان ہے، یکم مارچ کی شام کو ہلال کا چاند نظر آنے کا امکان ہے۔
دوسری جانب اسپیس اینڈ اپر ایٹموسفیئر ریسرچ کمیشن (سپارکو) کے مطابق نیا چاند 28 فروری کو پاکستان کے معیاری وقت کے مطابق شام 5 بج کر 45 منٹ پر نکلنے کا امکان ہے۔
