کراچی : گزشتہ مالی سال مختلف سرکاری اداروں نے تین سو سینتس ارب روپے قرضہ لیا، مختلف اداروں کے ذمے پہلے سے تین ہزار پانچ سو چودہ ارب کا قرضہ واجب الادا ہے۔
وزارت خزانہ کی جانب سے جاری دستاویزات کے مطابق این ٹی ڈی سی نے 76 ارب،حیسکو نے 73 ارب، جینکو ون نے 8 ارب قرض لیا،قرض لی نے والے دیگر اداروں میں میپکو،کیسکو،پی آئی اے ہولڈنگ بھی شامل ہیں، کراچی پورٹ ٹرسٹ،پیسکو،آئیسکو، اسٹیٹ انجینئرنگ،اسٹیل ملز بھی فہرست میں شامل ہے، واپڈا کے ذمہ پہلے سے 298 ارب، جینکو ون کے ذمہ 140 ارب روپے واجب الادا ہیں۔
دستاویز کے مطابق پی آئی اے ہولڈنگ کمپنی کے ذمہ بھی 168 ارب روپے کا قرضہ واجب الادا ہے،پاکستان اسٹیل ملز 105 ارب،نیلم جہلم ہائیڈرو پاورکمپنی کے ذمہ 167 ارب روپے بقایا ہیں،قرض دہندگان 27 اداروں میں بجلی کی متعدد تقسیم کار کمپنیاں بھی شامل ہیں۔رپورٹ کےمطابق گزشتہ مالی سال 16 سرکاری اداروں کو 782ارب روپے کی سبسڈی بھی دی گئی، حکومت نے مختلف اداروں میں 99 ارب56 کروڑکی سرمایہ کاری کی،چھ مختلف اداروں کو 367 ارب روپے کی سبسڈی بھی دی گئی۔
سرکاری اداروں نے 337 ارب روپے قرضہ لیا، نیا انکشاف
