اسلام آباد: وفاقی وزیرداخلہ محسن نقوی سے قطر کے سفیرعلی مبارک علی عیسیٰ الخطیر کی ملاقات ،باہمی دلچسپی کے امور، دوطرفہ تعلقات اور مختلف شعبوں میں تعاون بڑھانے پر تبادلہ خیال کیا گیا۔
ملاقات میں قطر میں قید پاکستانی شہریوں کی رہائی کے حوالے سے بھی بات چیت کی گئی اور انسداد منشیات کے سلسلے میں باہمی اشتراک کار بڑھانے پر اتفاق ہوا ،قطر کے سفیر کی وزیر داخلہ محسن نقوی کو قطر کے دورے کی دعوت دی، وفاقی وزیر داخلہ محسن نقوی نے کہا کہ قطر سے انتہائی قریبی تعلقات ہیں۔جلد قطر کا دورہ کرکے ہم منصب سے ملاقات کروں گا۔
انسداد منشیات کے حوالے سے خلیجی ممالک کی کانفرنس اپریل میں اسلام آباد میں ہو رہی ہے۔ محسن نقوی کا کہنا تھا کہ اس کانفرنس میں قطر کے انسداد منشیات ڈیپارٹمنٹ کے سربراہ کو شرکت کی دعوت دی گئی ہے۔انسداد منشیات کے سلسلے میں دوست ممالک کے ساتھ قریبی اشتراک کار چاہتے ہیں۔جبکہ سفیر قطر نے کہا پاکستان برادر اسلامی ملک ہے۔ تعلقات کو انتہائی اہمیت دیتے ہوئے اسے بڑھاناچاہتے ہیں۔
